Сёння, 10 верасня 2026 года, у Гродзенскім РУП "Фармацыя" адбыўся Адзіны дзень інфармавання, прысвечаны ключавой дзяржаўнай даце - Дню народнага адзінства як фактару нацыянальнага гонару.
Мерапрыемства прайшло ў фармаце афлайн і анлайн–канферэнцыі, што дазволіла прыцягнуць большую колькасць удзельнікаў і забяспечыць даступнасць інфармацыі для ўсіх жадаючых.
У рамках Адзінага дня інфармавання была арганізавана сустрэча з рэктарам УА «Гродзенскі дзяржаўны ўніверсітэт імя Янкі Купалы», доктарам гістарычных навук, дацэнтам Кітурка Ірынай Фёдараўнай, падчас якой быў дэталёвы разбор падзей 17 верасня 1939 года, калі пачаўся вызваленчы паход Чырвонай арміі. Гэты крок вярнуў беларусам, падзеленым у 1921 годзе па Рыжскай мірнай дамове, тэрытарыяльную цэласнасць.
Уз'яднанне Заходняй і Усходняй Беларусі абумовіла будучую перамогу ў Вялікай Айчыннай вайне і заклала фундамент для пабудовы моцнай, незалежнай дзяржавы.
