Родапачынальнік ¦дынастыі – Ягорава Галіна Аляксандраўна. Пачала сваю дзейнасць у г. Ліда ў 1970г.
Сіманькова Людміла Мікалаеўна - яе дачка працуе ў г. Ліда з 2003г.
Катовіч Яўген Вячаслававіч - яе ўнук, пачаў сваю працоўную дзейнасць таксама ў г.Ліда ў 2017г.
Мая мама пачынала сваю дзейнасць у гістарычнай аптэцы №4 г. Ліда, якая стала зараджэннем дзяржаўнай аптэчнай сеткі ў Лідскім раёне з 1946 года «Аптэка ў парку».
Галіна Аляксандраўна прысвяціла сваёй працы больш за паўстагоддзя і за сваю шматгадовую працу ўзнагароджана ганаровым знакам «Выдатнік Аховы здароўя РБ». У ёй заўсёды была гармонія кахання і дабрыні да людзей і да працы, якая ніколі не згасала. Наведвальнікі неаднаразова ў Лідскай газеце друкавалі ёй падзяку за ўвагу, чуласць і дапамогу.
І працягвала сваю працоўную дзейнасць да 72 гадоў.
Яўген, як і бабуля пачаў сваю працоўную дзейнасць у аптэцы №4 г. Ліда толькі ўжо ў новым будынку. А я ўжо трэці год з'яўляюся загадчыцай гэтай цудоўнай гістарычнай аптэкі №4 г.Ліда.
Дзякуючы каханню і адданасці сваёй прафесіі мы з Яўгенам абралі гэты шлях. Лёс кожнага пакалення нашай фармацэўтычнай дынастыі прайшоў праз самую першую і гістарычную АПТЭКУ №4 г.ЛІДА, якая сёлета адзначыла свой ЮБІЛЕЙ – 80 ГАДОЎ
Людміла Сіманькова